Bulk aur party biryani, poore Ranchi me

10 log se 500 log tak. Handi me pakayi jaati hai, usi handi me aapke function tak pahunchti hai.

WhatsApp par rate lein Call karein
10 se 500Log tak
24 ghantePehle booking
Poora RanchiDelivery included

Ranchi me party ke liye biryani kahan se mangwayein

Johar Flavour Kokar, Khorha Toli me chalne wali cloud kitchen hai. Roz ka delivery hum 7 km ke andar karte hain, lekin bulk aur party orders poore Ranchi me pahunchate hain, kyunki poora order ek hi trip me jaata hai aur handi seal rehti hai.

Aam taur par party ke liye biryani bade degh me pehle se pak kar rakhi jaati hai aur function tak thandi ho chuki hoti hai. Hum har order utni hi handiyon me banate hain jitni chahiye, aur nikalne se theek pehle dum lagta hai. Isi wajah se 25 log ka order bhi utna hi taaza pahunchta hai jitna ek plate ka.

Packages aur rate

Ye shuruaati rate hain. Final quote menu aur log ki ginti par WhatsApp par turant mil jaata hai.

Chicken Biryani Handi

  • 5 Kg, serves 12 se 15₹4,299
  • 10 Kg, serves 25 se 30₹8,299
  • 20 Kg, serves 50 se 60Quote par

Hyderabadi dum style, har handi me bone-in chicken aur lambe daane basmati.

Veg aur Paneer Handi

  • Veg 5 Kg, serves 12 se 15₹3,299
  • Paneer 5 Kg, serves 12 se 15Quote par
  • Sattvik, bina pyaaz lehsunAvailable

Veg handi alag chulhe aur alag bartan me banti hai. Mixed function me ye sawal sabse pehle aata hai.

Per plate thali

  • Corporate lunch box, min 10 box₹249
  • Party thali: biryani, kebab, raita, sweet₹320 se
  • Full spread: 2 biryani, 2 starter, curry, bread, dessert₹450 se

Har plate alag pack hoti hai, isliye office aur meeting ke liye baantna aasan rehta hai.

2,500 rupees se upar ke bulk order par code BULK10 se 10 percent off. Delivery charge poore Ranchi me included hai.

Kis kis mauke par log hamse mangwate hain

Office lunchTeam meeting, month end, client visit
Birthday partyGhar par ya banquet me
Shaadi aur haldiMehendi, sangeet, tilak
Griha praveshNaye ghar ki dawat
Corporate eventTraining, offsite, launch
Eid aur festivalBade parivar ki dawat
Get togetherDost, hostel, society
Condolence bhojSimple, samay par

Order kaise hota hai

  1. WhatsApp par batayein

    Kitne log, kaunsi date, kaunsa area. Bas itna kaafi hai shuru karne ke liye.

  2. Menu aur quote

    Hum aapke budget ke hisaab se do ya teen menu option bhejte hain, per plate rate ke saath. Aam taur par 30 minute me.

  3. 30 percent advance

    Date block karne ke liye. Baaki delivery par, cash ya UPI se.

  4. Handi aapke function par

    Nikalne se pehle dum lagta hai. Seal handi, raita aur salan alag, disposable plates chahiye to wo bhi.

Ranchi ke kaun se ilaake cover hote hain

Bulk order ke liye poora Ranchi. Niche kuch ilaake hain jahan se hume sabse zyada party orders aate hain.

Dhurwa Bulk & party Hatia Bulk & party Pundag Bulk & party Namkum Bulk & party Ratu Bulk & party Ormanjhi Bulk & party Tupudana Bulk & party Tatisilwai Bulk & party Nivaranpur Bulk & party Jagannathpur Bulk & party Kokar Bulk & party Lalpur Bulk & party Bariatu Bulk & party Kanke Road Bulk & party

Aapka ilaaka list me nahi hai? Phir bhi pooch lijiye. Bulk order me doori utni badi rukawat nahi hoti.

Aksar pooche jaane wale sawal

Minimum kitne log ka order lete hain?

10 log se. Usse kam ke liye aap normal menu se order kar sakte hain, agar aap Kokar se 7 km ke andar hain.

Kitna pehle booking karni padti hai?

Kam se kam 24 ghante. 50 log se upar ke order ke liye 48 ghante behtar rehte hain, taaki handi, staff aur delivery teeno plan ho sakein. Shaadi ke season me jitna pehle bolenge utna achha.

Per plate rate kitna padta hai?

Sirf biryani lein to handi ke hisaab se lagbhag 290 se 340 rupees per plate. Kebab, raita aur sweet ke saath poori thali 320 rupees se shuru hoti hai. Final rate menu par nirbhar karta hai.

Veg aur non-veg alag banta hai?

Haan. Veg handi alag chulhe aur alag bartan me banti hai. Bina pyaaz lehsun wali sattvik biryani bhi ho jaati hai, bas order ke waqt bata dijiye.

Biryani garam pahunchegi?

Handi seal karke bheji jaati hai aur dum nikalne se theek pehle lagta hai. Ranchi ke andar aam taur par 45 se 70 minute me pahunch jaati hai, aur handi usme garam rehti hai. Function ka time bata dijiye, hum usi hisaab se nikalte hain.

Delivery charge alag lagta hai?

Bulk order me Ranchi ke andar delivery included hai. Sheher ke bahar ke liye alag se bata denge.

Payment kaise karna hota hai?

Date block karne ke liye 30 percent advance UPI se. Baaki delivery ke waqt cash ya UPI se. GST bill chahiye to pehle bata dijiye.

Plates, chammach aur serving ka saaman milta hai?

Disposable plates, chammach aur tissue extra charge par mil jaate hain. Serving staff hum nahi bhejte, sirf khana pahunchate hain.

Enquiry bhejein, rate mangwayein

Ginti aur date bata dijiye. Menu aur per plate rate aam taur par aadhe ghante me WhatsApp par aa jaata hai.

+91

Number verify hone par hi enquiry jaati hai, isliye hum har enquiry ka jawab dete hain. Aapka account bhi isi number se ban jaata hai.

Date bata dijiye, baaki hum sambhal lenge

Kitne log aur kaunsa din, bas itna WhatsApp kar dijiye. Menu aur rate aam taur par aadhe ghante me aa jaata hai.

WhatsApp par baat karein +919973000000
₹0 0 items
Cart dekhein